Kryetari i PDK-së, Memli Krasniqi, ka qëndruar në Klinë sot në mbështetje të kandidatit për kryetar të kësaj komune, Esat Raci dhe kandidatët për asamble komunale.
Krasniqi ka shkruar se qeverisja e PDK-së e kishte transformuar Klinën në qytet urban e me investime të shumta kapitale, por se në katër vjetët e fundit kjo komunë, sipas tij, ka stagnuar.
Postimi i Memli Krasniqit:
Sot, në Klinë, takova kandidatin për kryetar, Esat Raci dhe kandidatët për Asamblenë komunale.
Qeverisja e PDK-së e ka transformuar Klinën në qytet urban e me investime të shumta kapitale. Por, në katër vitet e fundit, kjo komunë ka stagnuar.
Bashkë me qytetarët e Klinës, kryetari i ardhshëm Esat Raci, do ta kthej perspektivën e Klinës sepse kjo komunë nuk mund të jetë stacion udhëtimi për të rinjtë që s’po shohin perspektivë.
Klina duhet të bëhet adresë ku perspektiva është e hapur, e mundur dhe i ofrohet gjithsecilit pa dallim.
Për këtë, kryetari në ardhje Esat Raci, ka plan dhe e ka tërë mbështetjen e PDK-së, timen, të kryetarit të Degës, Sokol Bashota dhe çdo anëtari nga struktura qendrore e lokale.
17 tetori është datë kur ne shënojmë fitore, e Klina nisë rrugën e gjallërimit e zhvillimit.