Kryetari i Partisë Demokratike të Kosovës, Memli Krasniqi ka qëndruar në Istog ku ka takuar kandidatin për kryetar të kësaj komune dhe asamblistët e listës së PDK-së.
Z. Krasniqi ka shkruar se “Ky vend, emri i të cilit është Burim, nuk mund të vazhdojë të jetë edhe më tutje, burim i keqqeverisjes, korrupsionit e nepotizmit. Ai duhet të shndërrohet në burim të zhvillimit, mirëqenies e perspektivës”.
Postimi i z. Krasniqi:
Në Istog, bashkë me kandidatin për kryetar, Ali Nimanaj dhe kandidatët për Asamble Komunale, diskutuam për projektin tonë që i siguron kësaj komune një zhvillim të ri për të gjithë.
Istogu ka potencial të madh turistik, bujqësor e të ndërmarrësisë, por që nuk ka parë as zhvillim turizmi, as zhvillim bujqësie e as ndërmarrësie në këto 20 vitet e fundit.
Ky vend, emri i të cilit është Burim, nuk mund të vazhdojë të jetë edhe më tutje, burim i keqqeverisjes, korrupsionit e nepotizmit. Ai duhet të shndërrohet në burim të zhvillimit, mirëqenies e perspektivës.
Ali Nimanaj e ka guximin për ta çliruar perspektivën që i mungon Istogut. Ne do ta mbështesim atë deri në fund, për ta hapur një dritare të re në mes të PDK-së dhe Istogut, frytet e të cilës do t'i shohin e përjetojnë qytetarët e kësaj komune.
