HOXHAJ PREMTON 30% RRITJE PAGASH PËR MJEKËT, BARNA FALAS DHE SIGURIM SHËNDETËSOR

Kandidati i Partisë Demokratike të Kosovës për kryeministër, Enver Hoxhaj, ka premtuar se në qeverisjen e tij secila familje do të ketë nga një mjek, ndërsa barnat do të jenë falas për të gjithë pacientët.

Hoxhaj ka ripërsëritur edhe njëherë premtimin e tij se me planin e PDK-së për rimëkëmbje parashihet 30% rritje të pagave për mjekët si dhe sigurim shëndetësor për të gjithë qytetarët.

Postimi i plotë i z. Hoxhaj në fb:

Në Ferizaj për ta shpalosur vizionin e rimëkëmbjes së shëndetësisë . Në qeverisjen tonë do të ketë nga një mjek për çdo familje dhe barna falas . Me Fondin e Sigurimeve Shëndetësore do t’i sigurojmë 580 lloje të barnave për personat me sëmundje kronike.

Menaxhmenti i Spitalit të Ferizajt dhe i Qendrës Kryesore të Mjekësisë Familjare e mirëpritën planin tonë për rimëkëmbje , ku parashihet edhe rritje e pagave në 30% për mjekë dhe sigurim shëndetësor për të gjithë qytetarët.

#Shpërndajeni në mbështetje të personelit shëndetësor dhe planit tonë të rimëkëmbjes!