Kandidati për kryeministër, Enver Hoxhaj, takon strukturat e degëve të PDK-së në Prizren dhe Malishevë

Kandidati i Partisë Demokratike të Kosovës, Enver Hoxhaj, ka takuar sot strukturat e PDK-së në Prizren dhe në Malishevë, ku ka theksuar se Partia Demokratike e Kosovës është parti që është ndërtuar duke kontribuar për Kosovën.

Z. Hoxhaj ka vlerësuar lart takimet, duke shkruar se të gjithë kanë shprehur optimizëm dhe entuziazëm për zgjedhjet.

“Kryetari i degës, Shaqir Totaj, kryetarët e nëndegëve dhe anëtarët e partisë shprehën optimizëm e entuziazëm të madh për zgjedhjet që po vijnë”, ka cekur ai.

Postimi i z. Hoxhaj pas takimit me strukturat e degës së PDK-së në Prizren:

“Partia Demokratike e Kosovës është parti që është ndërtuar duke kontribuar për Kosovën! Takimi me strukturat e PDK-së në Prizren, ishte i jashtëzakonshëm. Kryetari i degës, Shaqir Totaj, kryetarët e nëndegëve dhe anëtarët e partisë shprehën optimizëm e entuziazëm të madh për zgjedhjet që po vijnë.

Pikërisht zëri i tyre do të jetë vendimmarrës në zgjedhjet e ardhshme. PDK vazhdon të forcohet, sepse së bashku do të forcojmë edhe më tutje shtetin e Kosovës. #PDK”

Ndërsa për takimin me strukturat e degës së PDK-së në Malishevë, z. Hoxhaj ka shkruar:

“Së bashku, Kosovës do t’i japim qeverisjen që meriton! Sot, bashkë me kryetarin e degës, Isni Kilaj pamë entuziazëm dhe mobilizim të plotë të strukturave të PDK-së në Malishevë!

Secila degë, nëndegë, secili anëtar, do të vendosë vet për kandidaturat e PDK-së në listën zgjedhore, si dhe për ofertën programore. Vendimmarrja do të vijë nga baza dhe zëri i secilit anëtar do të dëgjohet.

Në PDK, fuqizimi i demokracisë së brendshme është element kyç, i cili do t’i shërbejë fuqizimit të mëtutjeshëm të partisë dhe vet shtetit tonë.

Shpërndajeni në mbështetje të PDK-së! ”