Kryetari i Partisë Demokratike të Kosovës, Memli Krasniqi, ka përkujtuar përvjetorin e rënies së heroit Luan Haradinaj.
Krasniqi ka theksuar se Luani, “ra për të mos vdekur kurrë, si një ndër pushkët e para të lirisë”.
“Luani ishte vetëm 23 vjeç – por mbrapa na la shumë mësime, me shembullin e tij personal. Mes tjerash, na e dëshmoi se atdheu është mbi të gjitha, në secilën sfidë e në secilën ditë.
23 vjet ka edhe Liria e shtetit tonë sot, e cila u mundësua falë heroizmit e sakrificës së Luanit dhe bashkëluftëtarëve të tij që ranë në rrugën e çlirimit.
Dëshmorët janë themeli i palëkundur i shtetit tonë. Lavdi të përjetshme!”, ka shkruar Memli Krasniqi.
