Kryetari i Partisë Demokratike të Kosovës, Memli Krasniqi, ka përkujtuar Lidhjen Shqiptare të Prizrenit, në 144 vjetorin e mbajtjes së saj, duke e quajtur si organizimin më të madh dhe më të rëndësishëm të shqiptarëve që nga koha e Skënderbeut.
Pavarësia e Shqipërisë dhe e Kosovës, fuqizimi i shqiptarëve në Ballkan dhe bashkimi i tyre në ndihmë njëri-tjetrit edhe sot, janë pikërisht synimi dhe amaneti i Lidhjes Shqiptare të Prizrenit.
Nderim të përjetshëm, ka shkruar kryetari Krasniqi.
Postimi i plotë në rrjetin social:
Lidhja Shqiptare e Prizrenit, e themeluar nga delegatë të të gjitha viseve shqiptare, me 10 qershor të vitit 1878, saktësisht 144 vite më parë, ishte organizimi më i madh dhe më i rëndësishëm i shqiptarëve që nga koha e Skënderbeut.
Ishte një lidhje që forcoi shqiptarët politikisht e ushtarakisht, i bashkoi dhe u dha lidership, në një periudhë kur po synohej copëtimi i skajshëm i trevave tona.
Në historinë e lavdishme të popullit tonë, Abdyl Frashëri, Ymer Prizreni e Sulejman Vokshi, do të mbeten përgjithmonë burrështetasit që unifikuan, udhëheqën dhe frymëzuan shqiptarët gjatë gjithë shekullit pasues, për atdhedashuri e luftë për liri.
Pavarësia e Shqipërisë dhe e Kosovës, fuqizimi i shqiptarëve në Ballkan dhe bashkimi i tyre në ndihmë njëri-tjetrit edhe sot, janë pikërisht synimi dhe amaneti i Lidhjes Shqiptare të Prizrenit.
Nderim të përjetshëm!
