Kryetari i Partisë Demokratike të Kosovës, Memli Krasniqi, ka pritur sot në selinë e PDK-së të Dërguarin Special të Gjermanisë për Ballkanin Perëndimor, Manuel Sarrazin.
Krasniqi ka thënë se PDK, si lidere e opozitës dhe parti shtetformuese, do të jetë gjithmonë e gatshme dhe proaktive për të luajtur rol pragmatik në zhvillimet relevante.
“Së bashku me Vlorën dhe Bernardin, sot pritëm në selinë e PDK-së të Dërguarin Special të Gjermanisë për Ballkanin Perëndimor, Manuel Sarrazin. Bashkë diskutuam për zhvillimet aktuale në Kosovë, rajon dhe Evropë. Të dërguarit Sarrazin i uruam mirëseardhje në Kosovë dhe i ofruam bashkëpunimin e plotë të Partisë Demokratike të Kosovës në të gjitha proceset me rëndësi të veçantë për vendin. PDK, si lidere e opozitës dhe parti shtetformuese, do të jetë gjithmonë e gatshme dhe proaktive për të luajtur rol pragmatik në zhvillimet relevante. Faleminderit për vizitën dhe punë të mbarë, Manuel!”, ka shkruar ai në Facebook.
