Kryetari i Partisë Demokratike të Kosovës, Memli Krasniqi, priti sot në takim Shefen e Misionit të Ambasadës së Luksemburgut në Kosovë, znj. Natacha Gomes, me të cilën diskutoi për bashkëpunimin e shkëlqyer ndërmjet dyja vendeve.
Z. Krasniqi ka theksuar se “PDK si parti shtetformuese do të vazhdojë thellimin e bashkëpunimit me të gjitha vendet mike që e kanë ndihmuar Kosovën në rrugën e saj të pavarësisë dhe shtet ndërtimit”.
Postimi i plotë i z. Krasniqi:
Në takim me Shefen e Misionit të Ambasadës së Luksemburgut në Kosovë, Zonjën Natacha Gomes, biseduam për bashkëpunimin ndërmjet vendeve tona.
E falënderova për ndihmën e vazhdueshme që Luksemburgu i jep Kosovës me programe të ndryshme, duke përfshirë ato në fushat e shëndetësisë dhe arsimit.
PDK si parti shtetformuese do të vazhdojë thellimin e bashkëpunimit me të gjitha vendet mike që e kanë ndihmuar Kosovën në rrugën e saj të pavarësisë dhe shtet ndërtimit.
https://www.facebook.com/photo/?fbid=352491226249614&set=a.333545488144188
