Kryetari Krasniqi përkujton heroin Enver Zymberin dhe të gjithë policët e rënë në detyrë

Kryetari i Partisë Demokratike të Kosovës, Memli Krasniqi, me rastin e përvjetorit të 11-të të vrasjes së policit shembullor, heroit Enver Zymberi, ka deklaruar se ai ra heroikisht në krye të detyrës, duke mbrojtur integritetin territorial dhe sovranitetin e vendit.

Z. Krasniqi ka cekur se “në nderim të Enverit, sot shënojmë edhe Ditën e të gjithë policëve të Kosovës të rënë në detyrë që prej themelimit të Policisë tonë”.

Postimi i plotë:

Sot, kujtojmë dhe nderojmë Heroin e Kosovës, policin shembullor Enver Zymberi.

11 vjet më parë, Enveri ra heroikisht në krye të detyrës, duke mbrojtur integritetin territorial dhe sovranitetin e vendit.

Në nderim të Enverit, sot shënojmë edhe Ditën e të gjithë policëve të Kosovës të rënë në detyrë që prej themelimit të Policisë tonë.

Ne, si qytetarë dhe si shtet, u jemi përgjithmonë mirënjohës Policisë për punën e palodhshme, sigurinë dhe mbrojtjen që na ofrojnë, ditë dhe natë, në secilën ditë të vitit.

Lavdi Enver Zymberit dhe të gjithë policëve të rënë në detyrë!