PDK, sepse është parti e ngritur mbi sakrificën e popullit shqiptar të Kosovës për liri. PDK, sepse është pasardhësja e luftës fisnike të UÇK-së. PDK, sepse është partia e shpalljes së pavarësisë së Kosovës. Sepse është e vetmja parti që e ka guximin, ekipin dhe vullnetin për punë. PDK, sepse është e vetmja parti që ofron program të qartë në të gjitha fushat e zhvillimit shoqëror përmes Platformës së Rimëkëmbjes. Për rimëkëmbje të ekonomisë, shëndetësisë, arsimit, marrëdhënieve me miqtë perëndimorë. Për rimëkëmbje të përgjithshme shoqërore dhe kombëtare. Kosova ka nevojë për rimëkëmbje. PDK ka planin, dijen dhe guximin për ta jetësuar rimëkëmbjen e vërtetë.
