Kryetari i Partisë Demokratike të Kosovës, Memli Krasniqi, ka pritur në selinë e kësaj partie, ambasadorin e ri të Italisë në Kosovë, Antonello De Riu, me të cilin ka diskutuar për bashkëpunimin e deritashëm mes dy vendeve mike dhe intensifikimin e këtyre raporteve.
Z. Krasniqi pas takimit, në rrjetin social ka shkruar se “Partia Demokratike e Kosovës, si lidere e opozitës, do të vazhdojë të angazhohet në ruajtjen dhe kultivimin e raporteve të mira me partnerët tanë ndërkombëtarë”.
Postimi i plotë i z. Krasniqi:
Pata kënaqësinë të pres në takim Ambasadorin e Italisë në Kosovë, Antonello De Riu, me të cilin biseduam për bashkëpunimin e deritashëm mes Kosovës dhe Italisë dhe mundësinë e intensifikimit të këtyre raporteve.
Ambasadorin De Riu e falënderova për punën dhe angazhimin e tij për sjelljen e investitorëve italianë në Kosovë, që do të ketë ndikim direkt në zhvillimin ekonomik të vendit.
Partia Demokratike e Kosovës, si lidere e opozitës, do të vazhdojë të angazhohet në ruajtjen dhe kultivimin e raporteve të mira me partnerët tanë ndërkombëtarë.
