Kreu i PDK-së, Memli Krasniqi ka kujtuar viktimat e masakrës së Srebrenicës, sot në 26 vjetorin e kësaj masakre.
Krasniqi tha se duhet të përballemi me këdo që përpiqet të retushojë historinë dhe të mohojë krimet e shovinizmit serb.
Postimi në fb i z. Memli Krasniqi:
“26 vjet më parë ndodhi një nga krimet më makabër që njeh qytetërimi bashkëkohorë – Gjenocidi i Srebrenicës. Ne sot jo vetëm qe duhet të kujtojmë viktimat e Srebrenicës, por edhe të përballemi me këdo që përpiqet të retushojë historinë dhe të mohojë krimet e shovinizmit serb. Mohimi përbën fazën e fundit të një gjenocidi ndërsa harresa përbën një krim të ri përkundrejt viktimave.”
