Kryetari i Partisë Demokratike të Kosovës, Memli Krasniqi ka përkujtuar Betejën e Pashtrikut ku 23 vite më parë ranë heroikisht komandanti Mujë Krasniqi me shumë bashkëluftëtarë të tjerë të UÇK-së.
Përmes një postimi në Facebook, Krasniqi është shprehur se sot falë heroizmit dhe sakrificës së Mujës e shokëve të tij, Kosova është e lirë dhe e pavarur.
Postimi i plotë i Memli Krasniqit:
23 vite më parë, me 14 dhjetor 1998, ranë heroikisht në frontin e lirisë, komandant Mujë Krasniqi me shumë bashkëluftëtarë të tjerë të UÇK-së. Muja, atëherë kur nuk ishte duke luftuar, i këndonte Atdheut e ditëve të bardha që e prisnin vendin tonë. Sot, falë heroizmit, guximit dhe sakrificës së Mujës e shokëve të tij, Kosova është e lirë, e pavarur, e këngët e tij dëgjohen ngado. Lavdi heronjve të UÇK-së!
https://www.facebook.com/100044662171388/posts/434600734705329/?sfnsn=mo
