Kryetari i Partisë Demokratike të Kosovës, Memli Krasniqi, ka prezantuar kandidatin Mehmet Ballazhi për kryetar të komunës së Hanit të Elezit, duke cekur se "komuna Hani i Elezit meriton një dinamikë më të madhe zhvillimore".
"Mehmet Ballazhi e meriton besimin e të gjithë qytetarëve pa dallim sepse ai e do komunën dhe bashkëqytetarët, i njeh nevojat e tyre dhe ka përgjegjësi ndaj qytetarëve", ka shkruar kryetari Krasniqi.
Postimi i kryetarit të PDK-së, Memli Krasniqi:
Komuna Hani i Elezit meriton një dinamikë më të madhe zhvillimore dhe kandidati i PDK-së Mehmet Ballazhi e meriton besimin e të gjithë qytetarëve pa dallim sepse ai e do komunën dhe bashkëqytetarët, i njeh nevojat e tyre dhe ka përgjegjësi ndaj qytetarëve.
Mehmet Ballazhi ka ekipin e duhur, ka program për qeverisjen e Hanit të Elezit, duke i zbatuar projektet me transparencë dhe llogaridhënie, duke i përkrahur iniciativat e të rinjve me projekte që shtojnë vendet e reja të punës dhe mirëqenien e qytetarëve.
