Kryetari i Partisë Demokratike të Kosovës, Memli Krasniqi, ka përgëzuar komunitetin rom, me rastin e Ditës së Romëve.
Krasniqi ka shkruar se “si një shtet multi-etnik, pro-perëndimor dhe demokratik, e kemi për detyrë që të drejtat e komuniteteve pakicë, jo vetëm që të mos i cenojmë apo t’i kontestojmë, por, përkundrazi, t’i respektojmë dhe t’i avancojmë sa më shumë”.
Postimi i plotë:
Urime Komunitetit Rom në Kosovë, Dita Ndërkombëtare e tyre. Kosova është vend edhe i romëve, aq sa i të gjitha komuniteteve tjera. Si një shtet multi-etnik, pro-perëndimor dhe demokratik, e kemi për detyrë që të drejtat e komuniteteve pakicë, jo vetëm që të mos i cenojmë apo t’i kontestojmë, por, përkundrazi, t’i respektojmë dhe t’i avancojmë sa më shumë. Demokracia e shtetit tonë dhe zhvillimi ynë si shoqëri, matet edhe me standardin, mirëqenien dhe të drejtat e komuniteteve. Urime!
