Kryetari i Partisë Demokratike të Kosovës, Memli Krasniqi, ka përgëzuar prof. dr. Sali Ahmetin, me rastin e pensionimit të tij, duke vlerësuar lartë punën e jashtëzakonshme profesionale të mjekut, infektologut me kontribut të çmuar në lëmin e shëndetësisë.
Z. Krasniqi ka cekur se dr. Salih Ahmeti është fjalëmirë, i qetë, e mbi të gjitha profesionist i pashoq, duke shtuar se ai ndihmoi mijëra qytetarë që të kalojnë më lehtë ditët e tyre më të vështira.
Postimi i z. Krasniqi:
Pas shumë dekadave në shërbim të qytetarëve, posaçërisht atyre të sfiduar nga shëndeti, është pensionuar mjeku i mirë e i dashur, Dr. Salih Ahmeti.
Në krizën më të madhe shëndetësore, atë të pandemisë që përfshiu të gjithë globin, Dr. Salihu përvoli mëngët dhe u vu në dispozicion të plotë të të infektuarve në Klinikën Infektive në QKUK.
Fjalëmirë, i qetë, e mbi të gjitha profesionist i pashoq, Dr. Salihu ndihmoi mijëra qytetarë që të kalojnë më lehtë ditët e tyre më të vështira.
Për shërbimin dhe kujdesin shumëvjeçar ndaj qytetarëve tanë, Dr. Salihut do t’i jemi mirënjohës përgjithmonë.
Pensionim të rehatshëm e të shëndetshëm, Profë.
