Partia Demokratike e Kosovës ka nisur sot zgjedhjet e Rinisë.
Kuvendin e parë zgjedhor të Rinisë Demokratike të Kosovës, PDK e ka mbajtur në Kaçanik, ku i pranishëm ishte Kryetari Memli Krasniqi.
Kryetari i PDK-së, Memli Krasniqi, tha se e nisën me Kaçanikun, jo sepse është në kufi të hartës së Kosovës, por sepse është në fillim të një rruge që do shtrihet gjithandej vendit.
“Nga këtu, po e nisim një frymë zërash të të rinjve e të rejave, që do të shpërndahet në çdo lagje, fshat e qytet. Kushtrim Dema, Kryetari i ri i RDK-së në Kaçanik, i cili u zgjodh sot, është një prej tyre. Zëri i Kushtrimit, bashkë me të shokëve dhe shoqeve të tij do të dëgjohet. Jo vetëm brenda PDK-së, por gjithandej nëpër Kosovë”, ka shkruar Krasniqi në Facebook.
Ai ka thënë se me aktivistët e rinj, Kosovën do ta kthejnë në vend të ëndrrave të tyre, ku zëri i të rinjve nuk do heshtet kurrë, sepse të rinjtë kanë zë e zëri i tyre e ka një adresë, Partinë Demokratike të Kosovës.
https://www.facebook.com/photo/?fbid=672384144260319&set=pcb.672385290926871
