Varrimi i Fazli Veselit bëhet sot, në ora 19:00, në varrezat e Broboniqit

Ish kryetari i PDK-së, Kadri Veseli, ju ka dhënë leje familjarëve të tij që të vazhdojnë me procedurat e varrimit të babait.

Kjo edhe nëse ai nuk arrin në kohë që të jetë prezent në ceremoninë mortore.

Kështu kanë thënë familjarët e Kadri Veselit për media, ndërsa bëhen përgatitjet për ceremoninë e përcjelljes për në banesën e fundit të babait të tyre Fazliut, i cili ndërroi jetë në mëngjesin e hershëm të ditës së sotme. Fazli Veseli ishte 94 vjeçar.

Varrimi pritet të bëhet sot, në ora 19:00 në Broboniq.